
ताप्लेजुङ,२१ कातिक । मैवाखोला गाउँपालिकाबाट बिरामी लिएर सुनसरीको धरानतर्फ गइरहेको एम्बुलेन्स शनिबार राति मिल्केडाँडा छेउमा दुर्घटनामा हूदा एक जनाको ज्यानगएको छ । मैवाखोला गाउ पालिकाको एम्बुलेन्स दुर्घटना हो ।
दुर्घटनामा घाइते मैवाखोला–२ की १६ वर्षीया हेमकला थोप्राको उपचारको लागी वीपी प्रतिष्ठान लैजाने क्रममा बाटैमा मृत्यु भएको गाउँपालिकाका प्रवक्ता दिवस चोङवाङले जानकारी दिए। एम्बुलेन्समा चालकसहित ७ जना सवार थिए। अन्य ६ जना सामान्य घाइते छन्।
उनीहरुको उपचार भइरहेको चोङवाङले बताए। एम्बुलेन्स साँघुरो सडकबाट ५० मिटर तल खसेको छ। उक्त एम्बुलेन्स चैत्रमा भारतीय दूतावासले गाउँपालिकालाई दिएको थियो।