
इपूर्वपोष्ट
ताप्लेजु, १ बैशाख । जिल्लाको मैवाखोला गाउँपालिकाले मौलिक पहिचान झल्कने विशिष्ट गरी उत्कृष्ट लोगो बनाउनेलाई पुरस्कृत गर्ने भएको छ ।
पालिकाले मैलिकता झल्कने अआफ्नै लोगो निर्माण गर्ने भएपछि उत्कृष्ट बनाउनेलाई ७० हजार रुपैया सम्म पुरस्कृत गर्ने बभएको हो । पालिकाको ऐतिहासिक, भौगोलिक, प्राकृतिक, सामाजिक र सांस्कृतिक महत्व झल्कने लोगो निर्माण गर्न लागिएको अध्यक्ष विजयप्रकाश वनेमले बताउनुभयो ।
उहाँले इच्छुकहरुलाई ४ वटा सर्त सहित लोगो निर्माणको विद्युतीय प्रति बुझाउन २०८० साल वैशाख ९ गते सम्मको समय सीमा दिइएको समेत बताउनुभयो । छनौट समितिले उत्कृष्ट ठहराएको लोगोको निर्माण कर्तालाई प्रोत्साहन स्वरूप ७० हजार रुपैया उपलब्ध गराउने समेत गाउँपालिकाले जनाएको छ ।
लोगोमा नेपालको झन्डा र गाउँपालिकाको नाम उल्लेख हुनुपर्ने, मैवाखोला गाउँपालिकाको विशेषता झल्कने गरी पालिकाको नक्सा, लालीगुराँस, सिन्धोलुङ झरना, वन क्षेत्र, अलैंची, फागो माङ्गेना यक र रेडपाण्डाको नक्सा समावेश हुनुपर्ने बताईएको छ । यस्तै धार्मिक तथा जातीय साम्प्रदायिक विभेद झल्कने तथा नेपालको सार्वभौम सत्ता, भौगोलिक अखण्डतामा प्रतिकुल असर पर्ने कुनै पनि संकेत तथा भाव झल्कन नहुने समेत सर्त राखिएको छ । पालिकाले लोगो निर्माणकर्ताले प्रयोग गरेका संकेतहरुको संक्षिप्त व्याख्या सहित डिजाइन भएको लोगोको विद्युतीय प्रति बुझाउनुपर्ने बताईएको छ । ताप्लेजुङका केही स्थानीय तहले यसअघि नै आफ्नो पालिकाको गरिमा र महत्व झल्कने गरी लोगो निर्माणपछि प्रयोगमा ल्याएको बताईएको छ ।